【性格外傭】做嘢凑仔快靚正但擅入主人房沖涼　港媽憂續約會變本加厲

親子

發布時間： 2022/12/29 17:49

熱門林明禎超市大搜查破·地獄名校專區糖尿病靚媽精明眼藥物百科聖誕好去處北上攻略會員有獎

▲ 外傭擅自入主人房廁所沖涼，又真係唔啱嘅！

針無兩頭利，外傭幫得手，卻易黑面又愛自把自為，相信不少港媽都遇到這個情況，有港媽前日(27日)上網發文指聘用了一名外傭4年，外傭擅於照顧兒子，工作效率佳，但外傭自行剷起客厠浴室防水玻璃膠重唧，更未有詢問僱主擅自使用主人房廁所洗澡，而外傭合約即將屆滿，港媽憂續約會變本加厲，她發帖問網民，「係我小氣定係佢越位呢？」

最新影片推介：

該名港媽在facebook群組「外傭僱主必看新聞訊息」投稿，表示外傭擅自走入主人房廁所洗澡，「老公問佢，佢仲話上次都係咁。」外傭趁港媽一家外出時，自行剷起客廁浴室的防水玻璃膠重唧，所以暫時無法使用，

第一次唧膠：同我哋有商有量幾時做，仲唔好意思去我哋主人厠沖想走落clubhouse沖。

第二次唧膠：自己決定咗幾時唧有同我哋講，又會問咗我哋可唔可以入去主厠沖先去沖。

第三次(今次)：無聲無色自己無lala做咗然後自己好自然地用埋主厠沖埋涼。

大家覺得係我小氣定係佢越位呢？

港媽指，「講佢又會黑面」，唔講又覺得外傭會越嚟越自作主張，但外傭比一般的姐姐醒目，平時工作方面，除了不懂控制食物份量，其餘都做得很好，尤其是照顧兒子，

平時做嘢方面除咗成日浪費食物，亂煮份量食唔哂放咗入雪櫃永遠無follow up，結果總係俾我哋發現成陳年餸要dispose外，做嘢快靚正，照顧小朋友一流。

入屋4年的外傭，合約快將屆滿，港媽擔心外傭氣勢越來越强，越來越自把自為，更會進化到多事，把家事加插意見話港媽，但她照顧兒子卻照顧得很好，

大家覺得：

1) 我睇我仔份上忍佢續約，但預咗佢一個約比一個約大膽。

or

2) 請過第二個：我老公同奶奶唔鐘意人越位，話無咗佢無話唔得(意思請過第二個一樣識做)，但我成日喺度聽啲極品，我都怕新請唔止要俾人越位，仲請個又廢又越位咁我真係攞嚟jin！

貼文一出，即掀起熱議，不少網民認為樓主應該換外傭，「博咀炒得」、「炒啦，根本就已經變成老sea food 啦，冇得教了」，有網民聘用的外傭與樓主的外傭如出一轍，她表示外傭會似住自己有經驗識多少少就有自己一套，她的外傭來了幾個月就駁嘴，更俾返說話她聽，「我忍唔住同佢講明我呢度有我呢度嘅規矩，再醒再有經驗都唔該跟返我哋要求去做嘢，佢醒唔係大哂，俾佢覺得自己食得住僱主你以後就玩完，醒都要佢知自己做緊咩，你係公司做嘢醒都唔會超越老闆語氣同老闆講嘢啦！」

而港媽也回應網民，她相信只有同樣的外傭才明白，「其實我又點會唔明，醒啲識做嘢嗰啲會比較有性格啲，我明所以先同住4年啫，但不停升級仲越嚟越有氣勢我先集思廣益。」

另外，有網民建議樓主直接同外傭講，「講一次唔得咪講夠十次，你都識講佢快靚正，如果你搵啲奴性重嘅姐姐，你行佢唔敢坐，好多都蠢鈍如豬，踢一踢郁一郁咁又接唔接受到？咁俾人話嘅時候當然會黑面或者冇表情，唔通仲笑住口話咩，一個廁所啫，佢唔係入咗你廁所泡泡浴啩！」而樓主則指，跟外傭直接講，她會明，但之後發悔氣，「唔知會做啲乜教瞓我哋咁囉！好似有個好有霸氣嘅奶奶係屋企幫手咁。」

點擊下圖，睇更多留言：

▼點擊圖片放大